Tuesday 14 August 2007

"يوميات واحد مش فاضي "فيكشن

الساعة ستة ونص الصبح: بتقوم من النوم غصبن عنك عشان تروح عالشغل غصبن عنك

الساعة ستة ونص وتلت دقايق: بترجع تنام خمس دقايق بتصحى بعدها بتلت ارباع الساعة زي المجنون اللي طلعلو الجن الأزرق وبتنط بالشاور (لإنك بتحب النضافة) ولإنو المي بتصحي القرود، بتحلق وبتلبس اللي عالحبل وبوجهك عالدوام

الساعة تسعة وعشرة بتفوت عالشغل زحف عشان ما حدا يعرف إنك متأخر (زي كل
يوم) بس (زي كل يوم) بيشوفوك
عالكاميرا وبيخبّروا عنك وبيخصموا من راتبك وإنته زي السطل مفكر حالك ذيب

الساعة طنعش بتبلش معدتك تتظاهر لإنك (زي كل يوم) ما بتفطر ببيتكم فبتصير تدور بالجوارير على أي إشي تسلي فيه حنكك، بتلاقي حبة شكلاطة بس لإنك جنتلمان (زي ما قلنا القصة فيكشن) بتعطيها لزميلتك اللي بتشبه فلونة، بس اللي ما بتعرفو حضرة جنابك هو إنو زميلتك فلونة بتحكي إنك بتشبه عبسي فهيك بتطلعوا خالصين

الساعة وحدة بتهرّ من الجوع و بيزغللو عيونك وبتصير تتفلّت عشان تطلع تتسمم

الساعة وحدة ونص بترجع عالدوام (طبعاً زحف زي الصبح) و كأنه أبو زيد خالك لإنك ضحكت على المجتمع الدولي وطلعت أكلت..مش بس هيك..وشربت كوكتيل كمان

الساعة وحدة ونص و خمسة بتصفرن وبتوقع عالأرض وبيحملوك عالمستشفى وبتطلع متسمم من الشاورما اللي تسممتها

الساعة تلاتة وتلت بييجي مسؤول يزورك وبيصوروه بالتلفزيون وهو بيطمّن على
حضرة جنابك و إنته منسدح بالتخت

الساعة ستة ونص بييجي مديرك وزملاءك يزوروك وبيبشرك مديرك إنهم قرروا يزيدوا راتبك ويرَفعوك ويعطوك إجازة أسبوع نقاهة

الساعة سبعة بييجوا أهلك زي المصاريع بعد ما شافتك جارتكم
عالتلفزيون وفضحت سماك بالحارة لإنك كنت توبلس ومادين منك برابيش

الساعة سبعة ونص بيسمحلك الدكتور تروّح مع أهلك وبيعطيك دوا للتسمم

الساعة تمنية بتطلع مرة تانية عالتلفزيون والمسؤول عم بيزورك..وبيقرروا إنك طلعت مش متسمم و إنما معك مرض مزمن و إنته ما معك خبر...مبروك

11 comments:

  1. :) LOL!
    نايس فيكشن... بس شو صار في الصبية اللي اكلت الشكلاطة و نكرت زي البسس و حشّت فيك من ورا ظهرك انّك عبسي؟ تراهن انها مصاحبة المدير المتجوّز؟

    ReplyDelete
  2. لا مهي صارت تشوفك زي توم كروز بفيلم توب غن بعد ما زادوا راتبك وطلعت عالتلفزيون

    ReplyDelete
  3. LOOOOOOOOOOOOOOOOOOOOOOOL ts7sheesh man :D , mesh tabee3 hehehehe

    ReplyDelete
  4. Loool!! :) o bs teje el nas tzorak btjeb choclate that you can pass out for the next month

    ReplyDelete
  5. lol wonders, and the circle goes on!

    ReplyDelete
  6. حـرام عليـك ، ايـه صعبتلـو حـالتـو كتيـر هيـك .. بيشبـه عبسـي و مقضـى نهـارو زحـف بـزحـف و زاد عحـالـو بخليـط شـاورمـا و كـوكتيـل !!..يلـلا منيـح انهـا فيكشـن
    Very nice and thanks for finally updating the music box :D

    ReplyDelete
  7. lol hala..unfortunately that's not possible in Jordan..you might find it EVERYWHERE ELSE IN THE WORLD!

    ReplyDelete
  8. الله يرحم الشورما شو كانت بنت حلال

    عمار بالعربي فيري نايس

    ReplyDelete
  9. ثانك يو فيري متش نمارا

    ReplyDelete
  10. LooL aaah wallah ya mabrook .. hahahaha wallahe this post made my day

    ReplyDelete